Deti nahin amaan jo zameen , Aasmaan to hai
Kehnay ko apnay dil se koi daastaan to hai
Youn to hai rang zard magar hont laal hain
Sehraa ki wus'aton main kahin gulistaan to hai
Ik cheel mumti pe baithi hai dhoop main
Galiyan ujjar gayi hain magar paasbaan to hai
Awaz de kay daikh lo shayed woh mil hi jaye
Warna yeh umar bhar ka safar rai'gaan to hai
Mujh se bhout qareeb hai To phir bhi Ae "Munir"
Parda sa koi meray teray darmiyaan to hai
No comments:
Post a Comment