Hum parwarish loh-o-qalam kartay rahein gay
Jo dil pe guzarti hai raqam kartay rahein gay
Asbaab-e-gham-e-ishq ba'ham kartay rahein gay
Veerani-e-doran pe karam kartay rahein gay
Haan talkhi-e-ayaam abhi aur barhay gi
Haan ehal-e-sitam mashq-e-sitam kartay rahein gay
Manzoor yeh talkhi , yeh sitam hum ko gawara
Dam hai to madaad-e-alm kartay rahein gay
Baqi hai lahu dil main to her ashk se paida
Rang-e-lab-o-rukhsaar-e-sanam kartay rahein gay
Ik tarz-e-taghafal hai so woh un ko mubarak
Ik arz-e-tamana hai so hum kartay rahein gay
No comments:
Post a Comment