Kon bhanwar main malahon se ab takraar karay ga
Ab to qismat se hi koi dariya paar karay ga
Sara shaher hi tareeki par youn khamosh raha to
Kon chragh jalanay kay paida Aa'saar karay ga
Jab us ka kirdaar tumharay sach ki zad main aaya
Likhnay wala shaher ki kaali , her dewaar karay ga
Janay kon si dhun main teray shaher main aa niklay hain
Dil tujh se milnay ki khawaish ab so baar karay ga
Dil main tera qayaam tha lakin ab yeh kissay khabar thi
Dukh bhi apnay honay par itna israar karay ga
No comments:
Post a Comment