Yeh zara zara si baat par
Tarha tarha kay azaab kiyon?
Jo kisi say bhi khafa na ho
Mujhey us khuda ki talash hai
Mujhey laghzishon pay her ghari
Koi tokta hay baar baar
Jisay ker kay dil ko dukh na ho
Mujhey us gunah ki talaash hai
Bina humsafar kay kab talak
Koi musafaton main laga rahay
Jahan koi kisi se juda na ho
Mujhey us raah ki talash hai
Mujhey daikh ker jo aik nazar
Meray saray dard samajh sakay
Jo is qadar ho chara-e-gar
Mujhey us nigaah ki talaash hai
No comments:
Post a Comment