Tumhein khabar hi nahin kaisay sar bachaya hai
Azaab jaan pe saha hai to ghar bachaya hai
Tamaam umar taluq se mun'harif bhi rahay
Tamaam umar issi ko magar bachaya hai
Badan ko baraf banati hui fiza main bhi
Yeh moh'jaza hai keh dast-e-hunar bachaya hai
Sehar hui to meray ghar ko raakh karta gaya
Woh ik chragh jissay raat bhar bachaya hai
Kuch aisi surat-e-halaat ho gayi dil ki
Junoon ko tark kiya aur darr bachaya hai
Yaqeen-e-shaher hunar be'yaqeen mousam main
Bhout khathan tha bachana magar bachaya hai
No comments:
Post a Comment