Kisi ka ishq , kisi ka khayal thay hum bhi
Gaye dino main bhout ba'kamal thay hum bhi
Hamari khoj main rehti thein titliyaan aksar
Keh apnay shaher ka san-o-jamaal thay hum bhi
Zameen ki goad main sar rakh kar so gaye aakhir
Tumharay ishq main kitnay nid'haal thay hum bhi
Zarooraton ne hamara zameer chaat liya
Wa'garna qayel-e-rizq-e-halaal thay hum bhi
Hum aks aks bikhartay rahay ussi dhun main
Keh zindagi main kabhi la'zawal thay hum bhi
No comments:
Post a Comment