Mohabbat kay safeeron kay sabhi kirdar jhoote hain
Main sach kehta hoon duniya ko meray sab yaar jhoote hain
Yahan bint-e-hawa ka bhi hua hai sar nagoon aksar
Yahan arbaab jhootya hain , sabhi kirdaar jhoote hain
Yahan majboor insaan ki ana bikti bhi dekhi hai
Yeh shaher jhoot nagri hai , aur pehray daar jhootay hain
Yahan mujh se sukhan'war bhi keh jin ki soch bikti hai
Sabhi dewaan jhootay hain , sabhi afkaar jhootay hain
Hazaron hi woh waday jo meray tum sath kartay ho
Bhala tum se na kehta tha , meri sarkar jhootay hain
No comments:
Post a Comment