جب تصور میں نہ پائیں گے تمہیں
پھر کہاں ڈھونڈنے جائیں گے تمہیں
تم نے دیوانہ بنایا مجھ کو
لوگ افسانہ بنائیں گے تمہیں
حسرتو ! دیکھو یہ ویرانہ دل
اِس نئے گھر میں بسائیں گے تمہیں
میری وحشت، مرے غم کے قصے
لوگ کیا کیا نہ سنائیں گے تمہیں
آہ میں کتنا اثر ہوتا ہے
یہ تماشا بھی دکھائیں گے تمہیں
آج کیا بات کہی ہے تم نے
پھر کبھی یاد دلائیں گے تمہیں
سیف یوں چھوڑ چلے ہو محفل
جیسے وہ یاد نہ آئیں گے تمہیں
سیف الدین سیف
Jab tasawur main na payein gay tumhein
Phir kahan dhondnay jayein gay tumhein
Tum ne deewana banaya mujh ko
Log afsana banaein gay tumhein
Hasrato ! dekho yeh veerana-e-dil
Is naye ghar main basa'ein gay tumhein
Meri wehshat , meray gham kay qissay
Log kya kya na suna'ein gay tumhein
Aah main kitna asar hota hai
Yeh tamasha bhi dikhaein gay tumhein
Aaj kya baat kahi hai tum ne
Phir kabhi yaad dilaein gay tumhein
Saif youn chor chalay ho mehfil
Jaisay woh yaad na aayein gay tumhein
No comments:
Post a Comment