Lamhay ko bewafa samajh lijiye
Jawadani ada samajh lijiye
Meri khamoshi-e-musal'sal ko
Ik musal'sal gila samjh leejiye
Jis gali main bhi aap rehtay hoon
Wahan mujhay ja ba ja samjh leejiye
Aap aa jaiye qareeb meray
Mujh ko mujh se juda samjh leejiye
Jo na ponchaye aap tak mujh ko
Aap ussay wasta samjh leejiye
Nahin jab koi mud-dua mera
Koi to mud'dua samjh leejiye
Jo kabhi haal-e-haal main na chalay
Uss ko baad-e-saba samjh leejiye
Jo kahin bhi na ho , kabhi bhi na ho
Aap uss ko khuda samjh leejiye
No comments:
Post a Comment