Imran's Poetry

Jun 13, 2014

Qissy meri ulfat kay jo marqoom hein saary

Aa dekh tery naam say mosoom hein saary

Bas is liay her kaam adhora hi parra hay

Khadim bhi meri qoum k makhdoom hein saary

Ab kon mery paaon ki zanjeer ko kholy

Hakim meri basti k bhi mehkoom hein saary

Shayad yeh zarf hy jo khamosh hon ab tak

Warna to tery aeib bhi maloom hein saary

Sab jurm meri zaat sy mansoob hein "mohsin"

Kiya mery siwa shehr main masoom hein saary

Qareeb aa k boht door ho gaya woh shakhs

Na jane kon si dunya mein kho gia woh shakhs

khyal-o-khawb ki ta'abeer mujhe samjha kr

Meri hi zaat mein mujh ko dabo gia woh shakhs

Main apne hijar ki raton mein rang kese bharon

Mujhe jaga kr sar-e-sham so gia woh shakhs

Lafaz adhooray lagtay hain her baat adhoori lagti hai

Chaand bhi nahin nikla yeh raat adhoori lagti hai

Baras rahay hain badal meray aashiyaanay par qehar ki tarah

Abhi toota nahin makaan merabarsaat adhoori lagti hai

Kab tak sahara dain gi umeedain meri sansoon ki

Milta nahin koi meherbaan yeh kainaat adhoori hai

Milti hain kushiyaan bhi mujhay lamhon ky wastay

Gar gham hi muqadar hain to yeh soghaat adhoori hai

Kis se gil akaroon kon sunay ga meri daastan-e-tanhai

Likha tha jis par mera naseeb woh kitaab adhoori lagti hai

Faslay aisay bhi hoon gy kabhi socha na tha

Samnay baitha tha meray aur woh mera na tha

Woh kushboo ki tarah phaila tha maeray chaar soo

Main ussay mehsoos kar sakta tha choo sakta na tha

Raat bhar pichli si aahain kaan main ati rahi

Jhaank kar dekha gali main koi bhi aya na tha

Aaj us ne dard bhi apnay alehida kar liye

Aaj to main roya to meray sath woh roya na tha

Yeh sabhi veeranian us ky juda honay se hain

Aankh dhund'li hui tha shaher dhund'laya na tha

Tu ne agiyaar se mehfil ko saja rakha hai

Main khud sy bhi magar khud ko bacha rakha hai

Kiya hua jo tu meray sath nahin chal sakta

Hamsafar yaad ky jhonkon ko bana rakha hai

Umar bhar sath na chorain gy sada chahein gy

Sirf alfaaz thay , Alfaaz main kiya rakha hai

Be'waja main ne giribaan ko nahin chaak kiya

Sang tu ne bhi hathon main utha rakha hai

Thi farazaan kabhi ik shaam-e-mohabbat jis main

Mujh ko dewana us dil ne bana rakha hai

Dam'bakhud dekh raha hai woh meray daaman ko

Meray daaman main to bas khwaab-e-wafa rakha hai

Ghairon ko dard sunanay ki zaroorat kiya hai

Haal-e-dil sab ko batanay ki zaroorat kiya hai

Na mitta pao gy tum dil se mera naam kabhi

Phir kitabon se mitanay ki zaroorat kiya hai

Youn to umar kam hai mohabbat ky liye

Rooth kar waqat ganwanay ki zaroorat kiya hai

Jab mohabbat ka sila milta nahin logon se

Unhain is qadar toot ky chahnay ki zaroorat kiya hai

Itni muddat baad mile ho , kin sochon main gum phirtay ho

Itnay khaif kyn rehtay ho , her aahat se dar jatay ho

Tez hawa na pooch mujh se , rait pe kiya likhti rehti ho

Kaash koi hum se yeh bhi poochay , raat bhar tak kyon jagti ho

Kaisay kahon main khali hoon tujh bin Ae dost meray

Saya ban kar sath meray , Her pal tum to rehtay ho

MAin dariya se darti hoon , tum dariya se bhi gehray ho

Kon si baat hai tum main aisi , itnay achay kyon lagtay ho

Meray jazbon se kabhi , kabhi meray khyalon se ulajtay ho

Kehnay ko rehtay ho dil main , phir bhi kitnay door rehtay ho

Dhrakta hai dil mera bas ab teray hi naam par

Jaan maeri tum meray dil main dharkan ban kar rehtay ho

Hum se na poocho hijar ky qissay , apni kaho tum kaisay ho

Tum ziddi bhout ho , jaisay ho , phir bhi achay lagtay ho

Agar mohabbat meri sachi hai to ik din zaroor mila dy gi

Agar zid meri pakki hai to Ae khuda asmaan ko bhi hila day gi

Nahin inkaar kar sakta hai koi meri wafa se , mujhay yaqeen hai

Par tum sambhalna ik din meri wafa tujhay be'wafai ka sila dy gi

Yeh baat sacha hai keh tum ne ham se pyaar kiya par doosray hi pal bhula diya

Mera piyaar itn aasaan to na socha tha keh teri mohabbat daga dy gi

Na bhula sakon gi woh mohabbat na woh be'wafai , jo tu ne ki

Saza is se barh kar kiya day gi keh umar bhar meri mohabbat tujhay dua dy gi

Agar dam hai meri wafa-e-mohabbat main to woh ik din , aye ga zaroor

Jab meri yaad main tu tarpay ga par tab tujhay apni mohabbat na doon gi

Tum ko chahatay huwey bhi bhool jana acha laga

Ansoon ko chupa kar muskurana acha laga

Tum ajnabi thay meray liye magar apna jaan kar acha laga

Pehchaan to ik pal ki thi , magar sadiyon se jaan kar acha laga

Khwabon main yadon main tum thay magar tum ko bhulana acha laga

Meri rooh ka ik hissa thi magar khud se juda karna acha laga

Meri zindagi ka sarmaya thi magar tum ko lutana acha laga

Meray ansoon ka sawan thi magar tum ko barsana acha laga

Meri kushiyon ka jahan thi magar tum ko mitana acha laga

Khud ko bhool jana aur tum ko yaadkarn aacha laga

Sab khwaishon ko mitana sirf tumhain pana acha laga

Logon ky kehnay main ana aur sab kuch bhulana bolo kissay acha laga

Yeh to rasm-e-duniya hai issay nibhana acha lagta hai

Aye ho thora baitho , ek raaz ki baat batatay hain

Tum samjho ya na samjho phir bhi tum ko samjhatya hain

Jee kar ky naam kamana to aksar logon ko ata hai

Kuch aisay log bhi hotay hain jo mar kar naam kamatay hain

Pehlay to piyaar ki batain woh sharma sharma batlatay hain

Ab haal-e-dil ky afsanay batla ky sharmatay hain

Pehlay woh gussay main aksar ruk ruk kar chal parthay hain

Ab meray khayalon main shayed chalte chalte ruk jatay hain

Maloom nahin dil ki dharkan seenay main hai ya mehfil main

Lakin hum un ky jatay hi be'chain bhout ho jatay hain

Koi dhoondo us shair ko jis ne chand achay shair likhay

Likhtay likhtay waisay aksar khud main hi gum ho jatay hain