.jpg)
Hoti hai laakh gham ki dawa neend bhi magar
Hotay hain aisay gham bhi keh sonay nahin detay
Jul 16, 2014
Ay ishq tujhy khuda ka waasta ya yaar day ya maar day
Ay ishq tujhy khuda ka waasta
Ya yaar day ya maar day
Us ka payar nahi to mujhy kaza day day
Khuda meri zindagi ko parda day day
Main bus nahi paya jis k dil mein
Us shakhs ko mery dil mein jaga day day
Gar usko chahna khata he meri
Phir shauq se tu mujh ko saza dy dy
Ya to mein jee sakoo us k bagher
Ya mujhy chahny ke us ko waja day day
Gar ho saky to mujhy kaafir kar de
Nahi to mujhko tu mera dost dy dy
Apni surat main uska chehra nazar aaye
Ya khuda mujhko tu aisa aaina dy dy
Ya bhuja day chiragh meri raaho k
Ya mujhe meri manzil ka pata dy dy
Jane kiun dam nahi nikalta mera
Ay ishq tujhy khuda ka wasta
ya yaar dy dy ya maar dy dy
Mohabbat karnay wale kam na hon gay
Mohabbat karnay wale kam na hon gay
Teri mehfil main lakin hum n hon gay
Main aksar sochta hoon phool kab tak
Shareek-e-giriya-e-shabnam na hon gay
Dilon ki uljhanain barhti rahain gi
Agar kuch mashwaray baaham na hon gay
Zamanay bahr ke gham ya ik tera gham
YEh gham ho ga to kitnay gham na hon gay
Hamaray dil main sail-e-gariya ho ga
Agar ba'deeda-e-pur'nam na hon gay
Agar tu itafaaqan mil bhi jaye
Teri furqat ke sadmay kam na hon gay
"Hafeez" un se main jitna bad'gumaan hoon
Woh mujh se is qadar barham na hon gay
Poet : Hafeez Hoshiyaar Poori
Khyaal-o-khwaab se harf-o-biyaan se baahir aa
Khyaal-o-khwaab se harf-o-biyaan se baahir aa
Tu mujh sam'aait meray jism-o-jaan se baahir aa
Jhulas rahay hain hamaray wajood kis liye
Yeh jana'nay kay liye sayibaan se baahir aa
Kabhi to tor ta'salsul udaas raaton ka
Kabhi to meray liye keh'kashaan se baahir aa
Poet : Ashfaaq Babar
Aashiyaane ki baat kartay ho dil jalanay ki baat kartay ho
Aashiyaane ki baat kartay ho
Dil jalanay ki baat kartay ho
Sari duniya ke ranj-o-gham de kar
Muskuraanay ki baat kartay ho
Hadsa tha guzar gaya ho ga
Kis kay jaanay ki baat kartay ho
Hum ko apni khabar nahin jana
Tum zamanay ki baat kartay ho
Poet : Javaid Qureshi
Ashaar meray youn to zamanay kay liye hain
Ashaar meray youn to zamanay kay liye hain
Kuch shair faqat un ko sunanay kay liye hain
Ab yeh bhi nahin theek keh her dard mitta dain
Kuch dard kalajay se laganay kay liye hain
Aankhon main jo bhar lo gay to kaanton se chubhain gay
YEh khwaab to palkon pe sajanay kay liye hain
Dekhon teray hathon ko to lagta hai teray haath
Mandar main faqat deep jalanay kay liye hain
Yeh ilam ka soda ,yeh risaalay ,yeh kitaabain
Ik shakhs ki yaadon ko bhulanay kay liye hain
Poet : Jaan Nisaar Akhtar
Bara ehsaan hum farmaa rahay hain
Bara ehsaan hum farmaa rahay hain
Keh un ke khat unhain lota rahay hain
Nahin tark-e-mohabbat par woh raazi
Qayamat hai keh hum samjha rahay hain
YEh mat bhoolo keh yeh lamhaat hum ko
Bicharnay kay liye milwa rahay hain
Kisi surat inhain nafrat ho hum se
Hum apnay aaib khud ginwaa rahay hain
Daleelon se ussay qayal kiya tha
Daleelain de ke ab pachtaa rahya hain
Teri baanhon se hijrat karnay wale
Naye mahool main ghabraa rahay hain
Ajab kuch rabt hai tum se keh tum ko
Hum apna jaan kar thukraa rahya hain
Woh paagal mast hai apni wafa main
Meri aankhon main aansoo aa rahay hain
Tum bhi jo khareedo gay to mil jaye ga tum ko
ஜ۩۞۩ஜ♥ஜ۩۞۩ஜ♥ஜ۩۞۩ஜ
Tum bhi jo khareedo gay to mil jaye ga tum ko
Her shakhs ke biknay ka hai andaaz niraala
Hum apni Aanaon ka gala ghont dain khud hi
Denay hamain aya hai woh aizaaz niraala
ஜ۩۞۩ஜ♥ஜ۩۞۩ஜ♥ஜ۩۞۩ஜ
Subscribe to:
Posts (Atom)
