Sard raaton ki bheegi tanhai

Akela december 

Sard raaton ki bheegi tanhai 

Barsaati boond kay chootay hi 

Sulagta sa badan 

Beeti yaadon 

Beetay lamhon main 

Sulagta hua dil

Youn guzray saal kay saaray dukh 

aur saaray gham 

Akela aik december seh leta hai

Ussay to mit hi jaana tha

December kay haseen din thay 

Murre ki yakh fizaon main 

Hamaray chaar haathon nain 

Mujasma ik banaya tha 

Kaha tha ek doojay ko 

Nishaani pyaar ki apni 

Bari hi khoobsurat hai 

Mujhay ab yaad aata hai 

Mujasma barf ka tha woh 

Ussay aakhir pighlna tha 

Ussay to mit hi jaana tha 

Ussay to mit hi jaana tha

Suno december ussay mila do

Nayi hikayat mohabbaton ki , shikayaton ki 

Bujhay bujhay se haroof lay kar 

Kohar main doobi seyah aahon kay

Warq warq pe utaarna hai 

Udaas shaamon kay phool chun kar 

Suno december 

Ussay pukaaro

Ussay bulaao 

Suno december , ussay mila do 

Ab is se pehlay keh saans niklay 

Ab is se pehlay keh saal guzray 

Woh lakeerain wohi sitaara 

Meri lakeeron main qaid kar do 

Yeh aakhri shab kay aakhri pal 

Koi bara ikhta'taam kar do 

Yeh zindagi bhi tamaam kar do 

Suno december ussay mila do 

 

 

Kohar main lipti dhundli se subhain

December ki tha'tharti hui shaamain 

Kohar main lipti dhundli se subhain 

Dharkano se girtay huye 

Khushk zard pattay 

Woh gaaon kay tamaam raastay 

Khyaal abaad kartay hain 

Tumhain sab yaad kartay hain

Tumhain sab yaad kartay hain

December ki tha'tharti hui shaamain 

Kohar main lipti dhundli se subhain 

Dharkano se girtay huye 

Khushk zard pattay 

Woh gaaon kay tamaam raastay 

Khyaal abaad kartay hain 

Tumhain sab yaad kartay hain

December aur january

Her saal january hamain kuch sapnay dikhaati hai 

Jis ko poora karnay main 

December aa ponchta hai 

Zindagi aur akheer bhi maano 

Umar kay january aur december hain 

Zindagi ki january bhi jo khwaab dikhaati hai 

Aadmi umar bhar us ko poora karta rehta hai 

Aur umar ka december aan ponchta hai 

Aur saal ki tarah 

Saans bhi khatam ho jaati hai

Bas itna yaad hai

Kuch neem gham main 

Aaj tum ne phone kiya aur na hi koi mail 

Din bhar tumharay phone ka intizaar raha 

Phir majbooran main ne khud hi kar liya 

Tumhain bura to nahin laga ... jana 

Bas itna yaad hai 

Chaandni shab thi

Hawa bhi sard thi 

Kuch bhi zehan main nahin 

Bas itna yaad hai 

Tumharay kandhay pe mera sar tha 

Aur meray kandhay pe tumharay baazu 

Haan yahi december hai

December

Sunehri shamain 

Thar'thrati raatain 

Mehakti coffee

Woh bheeni khushboo

Khamosh kamra 

Aatish'daan sulagta 

MAin aur

Teri yaadon ki khushboo

Haan yahi december hai 

December kay guzartay hi

Ussay kehna december aa gaya hai 

December kay guzartay hi 

Baras aik aur manzil ki ghupa main doob jaye ga 

Ussay kehna december loat aya ga 

Magar jo khoon so jaye ga jismon main na jaye ga 

Ussay kehna hawaein sard hain 

Aur zindagi kay kohray dewaaron main larzaan hain 

Ussay kehna shagoofay tehniyon main so rahay hain 

Aur un par barf ki chadar bichi hai 

Ussay kehna agar suraj na niklay ga 

To kaisay barf piglay gi 

Ussay kehna 

Keh 

Loat aye 

Aur main tha keh kinaray ko na choo saka

Sab log thay manzil ko rawaan dawaan 

Aur main tha keh kinaray ko na choo saka

Meri chashm-e-nam hoyein bhi gar 

Mujhay khumaar-e-qalab na poncha saka 

Meri khwaishon ki imaartain 

Veeraan bastiyon main satoon milay

Meri aik aik jo dewaar thi 

Ussay phir se tameer na kar saka

Meray chaman main jo khizaan ayi 

Ussay moj-e-bahaar na dila saka

Meray dast-ba-dast main jo dhool thi 

Ussay aik hi aah ne urra diya 

Meray aainay main jo tasveer thi 

Ussay rooh-e-emaan na dila saka

Meri naao thi keh moujon main rawaan dawaan 

Aur main tha keh kinaaray ko na chu saka