Meri koi un'kahi

Un kahi baaton ko un sunnay lafzon ko 

Qaid se rehnay do

Keh warna 

Guzray huye kal ki

Chubhan ki baz'gasht

Meri koi un'kahi

Tumhari koi un'suni

Aanay wale kal main 

Achanak kabhi takraai to

Aankhain khoon roein gi

Zubaan larkharaye gi

Sam'aat kalbalaye gi

Zindagi dag'magaye gi

Jis chubhan pe zinda thay 

Ik pal main na rahai

To

Usi pal mar jaao gay 

Aaj sharminda hain wafayein bhi tujh se

Ae jaan-e-wafa 

Aaj sharminda hain wafayein bhi tujh se

Naraaz hain jafaein bhi tujh se

Sab behr-o-bar keh rahay hain 

Kiya kieya tu ne

Aik dil tor diya nazuk sa

Kaach ki tarah ka sa tha 

Moom ki tarah pighal gaya 

Sirf

Teri

Aik nazar-e-be'rukhi se

Ab be'chain hain 

Kuch khataein kuch sazaein 

Chalo jaana 

Apnay apnay hissay ki 

Sazaein chun lain 

Kuch un'chahei wafaon ki tamana main 

Chalo jaana

 

 

Chalo jaana

Ae jaan-e-wafa 

Aaj sharminda hai wafayein bhi tujh se

Naraaz hain jafaein bhi tujh se

Sab behr-o-bar keh rahay hain 

Kiya kieya tu ne

Aik dil tor diya nazuk sa

Kaach ki tarah ka sa tha 

Moom ki tarah pighal gaya 

Sirf

Teri

Aik nazar-e-be'rukhi se

Ab be'chain hain 

Kuch khataein kuch sazaein 

Chalo jaana 

Apnay apnay hissay ki 

Sazaein chun lain 

Kuch un'chahei wafaon ki tamana main 

Chalo jaana

 

 

Jaan lo wafa nahin milti

Wafa dhoondnay walo 

Kabhi sehra ki rait chaani hai 

Kabhi sagar ki lehron ko gina hai 

Kabhi aasmaan kay taaron ko shumaar kiya hai 

Nahin 

To

Jaan lo wafa nahin milti

Zindagi se

Sanam ki zulfon se

Wafa milti hai 

To

Sirf aur sirf

Dhalti shaam se

Utartay samandar se

Gehri chalti tareeki-e-shab se

Dil main sulagti aatish-e-ishq se

Aur

Wafa milti hai 

Raah-e-adam pe

To

Ae mutlaashi-e-wafa

Chal orh lay matti ki chadar 

Aur gum ho ja amar hoti wafaon main

Aag barsaati hai teri haseen muskaan

Kaali qaba main lipta us ka haseen wajood

Tarpaa jaye khilti kaliyon ko bhi 

Chaandni jo bikharti hai teri galiyon main 

Sharma jaye hai tera haseen mukh dekh kar 

PAr

Janaa

Dil-e-sharminda nadaan hai teri wafaon pe

Jo rang badal jayein mousam ki tarah 

Ab 

Aag barsaati hai teri haseen muskaan

Sholay sulgaati hain teri haseen jheel si aankhain 

Par barastay hain lafzon ki surat

Teray gulaab pankhriyon se labon se 

Mohabbat main jafa kiyon milti hai

Us ne aik din poocha 

Mohabbat main jafa kiyon milti hai 

Kisi ki chahat main saza kiyon milti hai 

Ulfat main dukhon ki rida kiyon milti hai 

Main muskura diya 

Aur us ki jheel si 

Aankhon main dekh kar sirf itna kaha 

Be'wafa ki zameen pe wafa nahin palti

Sehraa ki rait main sawan ki mehak nahin milti

Aur phir woh chup ho gaya 

Shayed ussay meray ashkon main apna aks dekhai diya

Woh sharma kar baadlon ki oot main ja baitha

Chaand ne poocha mujh se 

Sabab meri udaasiyon ka 

MAin muskuraa diya 

Aur

Faqat itna kaha 

Mera chaand kho gaya hai 

Woh bola

Kiya tera chaand bhout haseen hai 

Jo tu youn ghamgeen hai 

Do ashk hathali pe meray giray 

Aur

Woh baadlon main chup gaya 

Sabab udaasiyon ka woh kiya jaanay 

Meray chaand ka aks meray ashkon main dekha 

To

Woh sharma kar baadlon ki oot main ja baitha

Kal shab hum apni justagoo main niklay

Soch kay safar main niklay 

Kal shab hum apni justagoo main niklay 

Bhout door talak ghubaar hi ghubaar tha 

Koi bhi nishaan koi chehra saaf na tha 

Bas aankh main nami aur labon pe muskaan thi

Tujhay janaa talaash kiya kartay 

Hum to khud hi gumshuda thay 

Anjaani raahon ki musaafir tehray thay 

Anjaam to yeh hona hi tha 

Socho keh safar main kitnay karb'naak unwaan niklay 

Sab hi teri zaat-e-be'misaal se mansoob niklay

Ab to loatna bhi mohaal tha

Soch kay is safar main faqat sood-o-ziyaan hi tha

KAbhi tum meray mehboob thay

Kabhi tum meray maqsood thay 

Kabhi tum meray ghroor thay 

KAbhi tum meray mehboob thay 

Woh waqat guzar gaya 

Charha dariya bhi utar gaya

Woh jo deep teray naam kay jalay thay 

Bujh gaye

Woh jo hawa main mehak teri chahat ki thi 

BAdal gaye woh bhi maanind-e-simat-e-hawa

Tum to ruk gaye thay raah main 

Hum ghubaar-e-raah main kho gaye

Tum ko wafa raas na ayi

Hum jafa bhi hans kar seh gaye

Tum ne palat kay bhi nahin dekha waqat-e-rukhsat

Hum ne to apni aankhain hi rakh di thein wahaan 

JAhan teray aanchal ne unahin chua tha 

Aye ba'wafa

KAbhi jo palatna to dihaan rakhna

Raah main woh aankhain bichi hon gi

Teri aik deed ko tarasti hui be'qaraar aankhain 

Kabhi tum meray ghroor thay

Kabhi tum meray maqsood thay 

Kabhi tum meray ghroor thay 

KAbhi tum meray mehboob thay 

Woh waqat guzar gaya 

Charha dariya bhi utar gaya

Woh jo deep teray naam kay jalay thay 

Bujh gaye

Woh jo hawa main mehak teri chahat ki thi 

BAdal gaye woh bhi maanind-e-simat-e-hawa

Tum to ruk gaye thay raah main 

Hum ghubaar-e-raah main kho gaye

Tum ko wafa raas na ayi

Hum jafa bhi hans kar seh gaye

Tum ne palat kay bhi nahin dekha waqat-e-rukhsat

Hum ne to apni aankhain hi rakh di thein wahaan 

JAhan teray aanchal ne unahin chua tha 

Aye ba'wafa

KAbhi jo palatna to dihaan rakhna

Raah main woh aankhain bichi hon gi

Teri aik deed ko tarasti hui be'qaraar aankhain