Oct 3, 2014
Ik pal kay naam ho jaanay ko
Chal chaltay hain us paar sanam
Jahaan lehron ki khamoshi ho
Jahaan saanson ki madhoshi ho
Jahaan jazboon ki be'hoshi ho
Jahaan aankhon se sargoshi ho
Chal chaltay hain us paar sanam
Ik naei aag lagaanay ko
Is dil ki pyaas bujhaanay ko
Ik doojay main kho jaanay ko
Aur ik pal kay naam ho jaanay ko
Chal chaltay hain us paar sanam
Jahaan asaan saari raahain hon
Jahaan labon pe sard se aahain hon
Jahaan apni aagosh ki panaahain hon
Chal chaltay hain us paar sanam
Tum ne uktaaye huye khwaab kabhi dekhye hain
Tum ne murjhaye huye phool kabhi dekhye hain
Dil ki qabron pe paray
Hijar ki laash ki aankhon pe dharray
Tum ne uktaaye huye khwaab kabhi dekhye hain
Dard ki palkon se liptay huye
Ghabraaye huye
Tum ne be'chain dua'ein kabhi dekhi hain
Mohabbat kay kinaaron pe bhat'takti phirti
Tum ne dekha hai mujhay
Kiya kabhi dekha hai mujhay
Tum ne be'chain dua'ein kabhi dekhi hain
Tum ne murjhaye huye phool kabhi dekhye hain
Dil ki qabron pe paray
Hijar ki laash ki aankhon pe dharray
Tum ne uktaaye huye khwaab kabhi dekhye hain
Dard ki palkon se liptay huye
Ghabraaye huye
Tum ne be'chain dua'ein kabhi dekhi hain
Mohabbat kay kinaaron pe bhat'takti phirti
Tum ne dekha hai mujhay
Kiya kabhi dekha hai mujhay
Mohabbat aik shajjar hai
Mohabbat aik shajjar hai
Aur shajjar ko is se kiya matlab
Keh is ki chaayon main koi
Thaka haara musaafir aa kay baitha hai
Ab is ka rang kiya hai
Nassal kaisi hai
Kahan se aya hai
Issay kis simat jaana hai
Shajar ka kaam to bas
Chaaon dena aur dhoop sehna hai
Khaali hain lafz saaray
Toot kar bikhar na jaye , yeh dil mera
Kahin is kay tukray na ho jayein
Aur kitna zulam is pe barpe ga , yeh dil mera
Kahin matti na ho jaye
Aur kitni intiha ho gi
De dy koi zehar aik hi baar is ko
Aur nahin shaamil himmat
De dy koi thandi chaanv hi mujh ko
Kaisay kahoon keh kitna
Dard is ko hua hai
Khaali hain lafz saaray
Itna in main dam kahaan hai
Zaar zaar ho kay bhi jiya hai
Kitna is ne gham piya hai
Aur kitna qehar barpay ga , yeh mera dil
Kahin pathar na ho jaye
Phir jo mile bhi is ko , naazuk chaanv
Shayed kabhi samjh na paye
Yeh mera dil
Toot kar bikhar na jaye , yeh dil mera
Kahin is kay tukray na ho jayein
Aur kitna zulam is pe barpe ga , yeh dil mera
Kahin matti na ho jaye
Aur kitni intiha ho gi
De dy koi zehar aik hi baar is ko
Aur nahin shaamil himmat
De dy koi thandi chaanv hi mujh ko
Kaisay kahoon keh kitna
Dard is ko hua hai
Khaali hain lafz saaray
Itna in main dam kahaan hai
Zaar zaar ho kay bhi jiya hai
Kitna is ne gham piya hai
Aur kitna qehar barpay ga , yeh mera dil
Kahin pathar na ho jaye
Phir jo mile bhi is ko , naazuk chaanv
Shayed kabhi samjh na paye
Koi bhi dewaana aisa na tha
Tum ne mujh se mohabbat ki thi
Tumharay jhoot main tumhari safaai thi
Her jhoot main teri sachai thi
Koi bhi dewaana aisa na tha
Jis ki mohabbat is se buland thi
Aisa lagta tha tumhari mohabbat
Waqat se bhi buland thi
Ab tum juda ho rahay ho
Ek dam mera dil tor rahay ho
Khuda hafiz khuda hafiz keh rahay ho
Sachai yeh thi
Tum ko mujh se mohabbat nahin thi
Tum ko mujh se mohabbat nahin thi
Tum ne mujh se mohabbat ki thi
Tumharay jhoot main tumhari safaai thi
Her jhoot main teri sachai thi
Koi bhi dewaana aisa na tha
Jis ki mohabbat is se buland thi
Aisa lagta tha tumhari mohabbat
Waqat se bhi buland thi
Ab tum juda ho rahay ho
Ek dam mera dil tor rahay ho
Khuda hafiz khuda hafiz keh rahay ho
Sachai yeh thi
Tum ko mujh se mohabbat nahin thi
Dil ab bhi teray naam se dharakta hai
Ussay kehna keh
Saansain ab bhi teray naam se chalti hain
Dil ab bhi teray naam se dharakta hai
Aankhin ab bhi teri muntazir hain
Sawan ab bhi barasta hai
Magar
Ussay kehna
Ab raat guzarti nahin
Prinday ab geet gaatay nahin
Bahaar ab aati nahin
Magar
Intizaar tab bhi tha
Intizaar ab bhi hai
Subscribe to:
Posts (Atom)
