Ab to hum log gaye deeda-e-be'khwaab se bhi

Dil behalta hai kahan anjuman-e-mehtaab se bhi 

Ab to hum log gaye deeda-e-be'khwaab se bhi 

Ro parta hoon to koi baat hi aisi ho gi 

MAin keh waqif tha teray hijar kay adaab se bhi 

kuch to us aankh ka shaiwa hai khaffa ho jaana 

Aur kuch bhool hui hai dil-e-be'taab se bhi 

Ae samnadar ki hawa tera karam bhi maloom 

Pyaas saahil ki tu bujhaati nahin sailaab se bhi 

Kuch to us husan ki jaanay hai zamana sara 

Aur kuch baat chali hai meray ehbaab se bhi 

Dil kabhi gham kay samandar ka shanaver tha Imran 

Ab to khouf aata hai ik mouja-e-paay'aab se bhi

Saath jo chalta raha majbooriyon kay baad bhi

Main ussay kaisay akela chor doon is raah main 

Saath jo chalta raha majbooriyon kay baad bhi 

BAn kay khushboo rach gaya hai youn meray ehsaas main 

Door ho paya nahin woh dooriyon kay baad bhi 

Rafta rafta us ko bhi yeh duniya raas aa gayi 

Muskuraa kay woh milta hai ranjishon kay baad bhi 

Faaslay kab kam huye hain raabton kay baad bhi 

Ajnabi thay ajnabi hain Mohabbaton kay baad bhi 

 

Saans lena bhi ab dushwaar hua

Saans lena bhi ab dushwaar hua

Sukh ka mousam khiyaal-o-khaam hua 

Saans lena bhi ab dushwaar hua 

Aankhon aankhon main parha karo jazbay 

Chehra chehra khuli kitaab hua

Roshni us kay ashk ki dekhon 

Aaina subh ko aftaab hua 

Ik falak'naaz ki mohabbat main 

Main hawaon ka hum'rakaab hau 

Kon mojon main gholta hai lahoo

Sur'khru kis liye chenaab hua 

Kis kay sar par sinaa ko rashk aya 

Kon maqtal main kaam'yaab hua 

Ab kay hijraan ki dhoop main Imran 

Rang us ka bhi kuch khraab hua  

Main to qayim hoon abhi ehad-e-wafa pe apnay

Main to qayim hoon abhi ehad-e-wafa pe apnay

Shaam ko yaadon kay aangan main utar jaata hoon 

Aur is bazam se phir main waqat-e-sehar haata hoon 

Mujh ko maqsood hai her haal main raahat teri 

Bujhon gar to teray dil se utar jaata hoon 

Main to qayim hoon faqat teri kashish kay baa'iss

Teri sarhad se jo niklon to bikhar jaata hoon 

Gumbad-e-zaat se jo sadaa aati hai 

Shab ki tanhai main sunta hoon to dar jaata hoon 

Main to qayim hoon abhi ehad-e-wafa pe apnay 

Gar tujhay raas nahin hai to mukar jaata hoon

Do dilon kay faaslay mitaanay chalay aao

Samjha nahin yeh dil samjhanay chalay aao 

Do dilon kay faaslay mitaanay chalay aao 

Junoon-e-ishq main pagal ho gaye hum 

Apni baanhon main mujhay samaanay chalay aao 

Na door reh kar tarpaao na dil ko tarsaao 

Apna bana kar apnaanay chalay aao 

Mera ishq sacha hai mera aaitabaar kar lo 

Mera ishq mera pyaar aazmaanay chalay aao

Main dil kay qissay suna raha hoon

MAin dil kay qissay suna raha hoon

Phir ik cigarette jala raha hoon   cigarette

Phir ik teeli bujha raha hoon 

Teri nazar main yeh mashgala hai 

Main to us ka wada bhula raha hoon 

Samajhna mat is ko meri aadat 

Yeh dhuwaan jo main urra raha hoon 

Yeh teri yaadon kay silsalay hain 

Main teri yaadain jala raha hoon 

Phir ik cigarette jala raha hoon 

Phir ik teeli bujha raha hoon

MAin pee kay itna behak chuka hoon 

Keh gham kay qissay suna raha hoon 

Agar tumhain bhi gham hai to paas aao 

Main pee raha hoon pila raha hoon

Phir ik cigarette jala raha hoon 

Phir ik teeli bujha raha hoon 

MAin pee kay baadlon main ponch chuka hoon 

Dhuown main khud ko jala raha hoon 

HAin meri aankhain to aaj pur'nam 

MAgar main sab ko hansa raha hoon 

Phir ik cigarette jala raha hoon 

Phir ik teeli bujha raha hoon 

Tumhain kiya matlab hamaray gham se 

MAin to youn hi tum ko suna raha hoon 

Gar burra laga to maaf karna 

MAin dil kay qissay suna raha hoon 

Phir ik cigarette jala raha hoon 

Phir ik teeli bujha raha hoon

Aur kiya dikhlaye gi taqdeer ab

Lo pehan li paaon main zanjeer ab 

Aur kiya dikhlaye gi taqdeer ab 

Khud hi chal kar aa gaya zindaan tak 

Kiya karo gay khwaab ki tabeer ab 

Ae maseeha ! jo teri baaton main thi 

Dil talak ponchi hai woh taseer ab 

Seedha meray dil hi par aa kar lagay 

Aakhri tarkash main hai jo teer ab 

Aur kuch paanay ki hasrat hi nahin 

Mil gayi hai pyaar ki jageer ab

Baat itni bhi na barh jaye keh ruswai ho

Kuch to ae yaar ilaaj-e-gham-e-tanhai ho 

Baat itni bhi na barh jaye keh ruswai ho 

Doobnay walay to aankhon se bhi kab niklay hain 

Doobnay kay liye laazim nahin gehrai ho 

Jis ne bhi mujh ko tamasha sa bana rakha hai

Ab zaroori hai wohi shakhs tama'sha'i ho 

Main tujhay jeet bhi tohfay main nahin de sakta 

Chahata yeh bhi nahin hoon teri paspaai ho 

Aaj to bazam main her aankh thi purnam jaisay 

Dastaan meri kisi ne yahan doh'raai ho

Koi anjaan na ho  shaher-e-mohabbat ka makeen 

Kaash her dil ki her ik dil se shna'saai ho 

Youn guzar jaata hai Imran teray koochay se 

Tera waqif na ho jaisay koi sodaai ho 

Hum ne laal-o-gohar aur yaqoot bhi tukhraye hain

Ae dost zindagi main aisay pal bhi ayein hain 

Hum ne laal-o-gohar aur yaqoot bhi tukhraye hain 

Us ki khushi ki khatar gun'gunaana aadat bani 

Museebaton kay toofaan main bhi hum muskuraye hain 

Raaton ko kisi kay sang hum ne ik lamhay main bita diya 

Apnay hi ghar main kai baar hum chor ban kar aye hain 

Siwa us kay pal kaatna bari baat hoti thi 

Khuda ne hum ko hijar kay so baras bhi dikahye hain 

Hamain udaas dekh kar aksar woh rooth jaata tha 

Aaj usi dilbar ne ashkon kay samandar rulaye hain 

Tishna ussay chahtay rehna sochon to na'daani hai 

Magar kiya karon jitna bhulaya utna woh yaad aye hain 

Meri zindagi tu , emaan hai tu

Meri ronaq tu , pehchaan hai tu 

Meri zindagi tu , emaan hai tu 

Bin teray be'rang duniya saari 

Ek saans lena bhi kitna bhaari 

Yeh rooh-e-jisam be'kaar hain sab 

Meray jeenay ka asmaan hai tu 

Her lafz tera taqdeer hai meri 

Mera her khayaal tasveer hai teri 

Saray aziz ghair hain lagtay 

Ek mera apna mehmaan hai tu 

Na main be'wafa , na main be'qadar 

Gunaah'gaar hoon mujh ko hai khabar

Meri nekiyon ka sila hai tu 

Meray rab ka ehsaan hai tu 

Tishna gar tujhay bhool jaye 

Ussi pal main ussay mout aye 

Tujhay bad'naam kaisay karta "Gul"

Meri izzat tu giraybaan hai tu