Imran's Poetry

Feb 1, 2015

Nasha her rind ko hai ek hi paimaanay ka

Lut kar , zulm se kabo main nahin aanay ka

Log dekhein na tamasha teray dewaanay ka

Mudda kis pe ayaan ho meray afsaanay ka

Raaz hoon main na samjhnay ka samjhaanay ka

Chashm-e-saaqi hai udaar aur mera dil hai idher

Aaj takraao hai paimaanay se paimaanay ka

Apni hi aag main jalnay ka maza hai kuch aur

Hosla shamma se barh kar nahin parwaanay ka

Baat-be-baat utha deta hai ek chair nayi

Par gaya hai ussay chaska mujhay tarpaanay ka

Baat kehta hai kuch aisi keh na samjhay koi

Yeh bhi ek ghour talab rang hai dewaanay ka

Woh bahaar aayi Naseer aur woh uthay baadil

Baat sagar ki chalay zikar ho meh'khanay ka

Tum meray baad mohabbat ka bhout ehtraam karo gay

Neend baich kar to mohabbat kharidi thi

Gham-e-ishq bhi to madhosh rakhta hai

Yeh dard us ne diya hai usi se kiya kehta

Gila to mujh ko bhi karna tha pyaas ka lekin

Jo khud hi sookh gayi us nadi se kiya kehta

Meray aziz hi mujh ko samjh na paaye kabhi

Main apna haal kisi ajnabi se kiya kehta

Andheri raat ne mujh ko bhout staya hai

Bhala yeh baat main ab roshni se kiya kehta

Tamaam shaher main tha raaj jhoot ka

Main apnay gham ki haqqeqat kisi se kiya kehta

Subha hotay hi woh bolay keh raat baarish ghazab ki thi

Keh roz yaad na karwaein to bhool jaatay ho tum

Yeh batao keh raat khwaab main kiyon tum aaye thay

Ik ghreeb ishq kar baitha hai woh bhi aaj kay dour main

Phir kisi se bigar gayi ho gi