Imran's Poetry

Jul 31, 2015

Be'kraan tanhaiyon ka silsala reh jaye ga

Teray meray darmiyaan , bas ik khalaa reh jaye ga

Aks beh jayen gaysaray dhoop kay sailaab main

Aur koi paaniyon main jhaankta reh jaye ga

Mujh ko meray hamsafar aisa safar dar'paish hai

Raasta kat bhi gaya to faasla reh jaye ga

Log so jayein gay khamoshi ki chahdar oorh kar

Chaand soonay aangano main jaagta reh jaye ga

Jo kabhi us ne parhein thein mujh se nasir maang kar

Naam mera un kitaabon main likha reh jaye ga

Us ne ashafta mizaaji ko naya mor diya

Mujh ko pa'ba zanjeer kiya aur chor diya

Us ne aanchal se nikaali meray gam gashta kitaab

Aur chupkay se mohabbat ka warq mor diya

Hum ko maloom tha anjaam-e-mohabbat hum ne

Aakhri harf se pehlay hi qalam tor diya

Kisi ko alwida kehna bhout takleef deta hai

Kisi ko alwida kehna

Bhout takleef deta hai

Umeedain toot jaati hain

Yaqeen pe be'yaqeeni ka kohar kuch aisay charta hai

Dikhai kuch nahin deta

Sujhai kuch nahin deta

Dua kay lafaz honton par musalsal kap'kapatay hain

Kisi khwaish kay andeshay

Zehan main dor jaatay hain

Gumaan kuch aisay hota hai

Keh jaisay mil na payen gay

Yeh gehray zakham furqat kay kisi se sil na payen gay

Kabhi aisa bhi ho ya'rab

Duaein maan leta hai

Tu koi mojaza kar dy tu aisa kar bhi sakta hai

Meray haathon ki janab dekh inhain tu bhar bhi sakta hai

Judai ki yeh teekhi dhaar dilon ka khoon karti hai

Judai ki aziyat se

Mera dil ab bhi darta hai

Judai 2 gharri ki ho to koi dil ko behlay

Judai umar bhar ki ho

To kiya chaara karay koi

Keh ik milnay ki hasrat main bhala kab tak jiye koi

Meray "Moula" karam kar dy tu aisa kar bhi sakta hai

Meray haathon ki janib dekh , inhain tu bhar bhi sakta hai

Ae ishq tu gard-e-safar bana , Teri aur bhala toqeer kiya hai

Tu khud hi hasrat ka maara , tera khwaab hai kiya tabeer hai kiya

Ae ishq tu bikta rehta hai , kabhi raahon main kabhi baanhon main

Tu bojh hai dil ki duniya ka , meray wastay tu jageer hai kiya

Ae ishq mizaar pe raqs tera , Aur kutbon pe hai aks tera

Tu bujhtay diye ka dhuwan hai bas , Tu kiya janay tanveer hai kiya

Tujhay suna tha main ne qisson main , Is tan par ab to jhaila hai

Mera roop rang to zard hua , mujhay khabar nahin tasveer hai kiya

Tu meem se ain bana tha kiyon , ab chain se bain bana hai kiyon

Main ab tak poochti phirti hoon , meray pairon main zanjeer hai kiya

In ashkon ka to zikar hi kiya , tujhay ishq lahoo se bhi likha

Kabhi parh to sahiin nohon ko , tujhay ilam to ho , tehreer hai kiya

Naazki us kay lab ki kiya kehiye

Pankhari ik gulaab ki si hai

Us simat chalay ho to bas itna ussay kehna

Ab koi nahin harf-e-tamana, ussay kehna

Us ne hi kaha tha , to yaqeen main ne kiya tha

Umeed pe qayam hai yeh duniya , ussay kehna

Duniya to kisi haal main jeenay nahin deti

Chahat nahin hoti ruswa , ussay kehna

Zar'khaiz zamenain kabhi banjar nahin hotein

Dariya hi badal letay hain rasta , ussay kehna

Woh meri risaai main nahin hai to kiya ajab

HAsrat bhi to hai ishq ka lehja , ussay kehna

Kuch log safar kay liye mozon nahin hotay

Kuch rastay kat'tay nahin rtanha , ussay kehna

Hum se kya poochtay ho hijar main kya kartay hain

Teray loat aanay ki din raat dua kartay hain

Ab koi hont nahin in ko churanay aatay

Meri aankhon main agar ashk huwa kartay hain

Teri tu janay , par ae jaan-e-tamana hum to

Saans kay saath tujhay yaad kiya kartay hain

Teri tasveer laga letay hain hum seenay se

Phir teray khat se teri baat kiya kartay hain

GAr tujhay chornay ki soch bhi aaye dil main

Hum to khud ko bhi wahin chor diya kartay hain

Band kitabon main urti hui titliyaan daal dein

Kis ne rasmon ki jalti hui aag main lakriyaan daal dein

Khouf kaisa hai yeh naam us ka zer-e-lab bhi nahin

Jis ne haathon main meray haray kaanch ki chooriyan daal dein

Hont pyaasay rahay hoslay thak gaye umar sehra hui

Hum ne pani kay dhokay main phir rait par kashtiyaan daal dein

Mousam-e-hijar ki kaisi sa'aat hai yeh dil bhi hairan hai

Meray kaano main kis ne teri yaad ki baaliyan daal dein

Zindagi yeh to nahin tujh ko sanwara hi na ho

Kuch na kuch tera ehsaan utaara hi ho

Koo-e-qatil ki bari dhoom hai , chal kar dekhein

Kya khabar koocha-e-dil'daar se payara hi na ho

Dil ko choo jaati hai raat ki awaz kabhi

Chonk uth'ta hoon kahin tum ne pukara hi na ho

KAbhi palkon pe chamakti hai jo ashkon ki lakeer

Sochta hoon teray aanchal ka kinara hi na ho

Zindagi ik khalish de kay na reh ja mujh ko

Dard woh dy jo kisi surat gawara hi na ho

Sharam aati hai keh us shaher main hum hain keh jahan

Na milay bheek to laakhon ka guzara hi na ho

Aafat ki shokiyaan hain tumhari nigah main

Mehshar kay fitnay kehlaatay hain jalwa'gaah main

Woh dushmani se dekhtay hain , dekhtay to hain

Main shaad hoon keh , hoon to kisi ki nigah main

Aati baat baat mujhay yaad baar baar

Kehta hoon da'ood , daood kay qasid se raah main

IS toba par hai naaz mujhay zahid is qadar

Jo toot kar shareek hoon haal-e-tabah main

Mustaq is ada kay bhout dard'mand thay

Ae "Dagh" tum to baith gaye ik aah main