Abar main barq kay gulzaar dikhaatay us ko

Abar main barq kay gulzaar dikhaatay us ko 

Kaash us raat kabhi jaa kay jagaatay us ko 

Sheh-nasheeno pe hawa phirti hai khoi khoi 

Ab kahan hai woh makeen yeh to bata'tay us ko 

Woh jo paas aa kay yon hi chup sa kharra rehta tha 

Us ki to khu thi yeh hi tum hi bulatay us ko 

Gham'gusari ki talab thi yeh mohabbat to na thi 

Dard jab dil main utha tha to chupatay us ko 

Faida kya hai agar ab woh milay bhi to "Munir"

Umar to beet gayi raah pe laatay us ko 

Woh ik khayal jo us shokh ki nigah main tha

Woh ik khayal jo us shokh ki nigah main tha 

Ussi ka aks meray dil ki sard aah main tha 

Ussi tarah woh purani bahar baaqi thi 

Ajeeb husan sa us huzan-e-baar'gaah main tha 

Shafaq ka rang jhalakta tha laal sheeshon main 

Tamaam ujjra makaan shaam ki pannah main tha 

Main us ko daikh kay chup tha ussi ki shadi main 

Maza to sara ussi rasam kay nibah main tha 

Sawad-e-shaher pe ruk gaya tha main to "Munir"

Aur ik dasht-e-balaa meray ghar ki raah main tha 

Deti nahin amaan jo zameen , Aasmaan to hai

Deti nahin amaan jo zameen , Aasmaan to hai 

Kisi jatan se bhi yeh kaam kam nahin hota 

Tamaam ujjray kharabay haseen nahin hotay 

Her ik purana makaan qasar-e-jam nahin hota 

Tamaam umar rah-e-raftagaan ko takti rahay 

Kisi nigah main itna to dam nahin hota 

Yeh hi saza hai meri ab jo main akela hoon 

Keh mera sar teray aagay bhi kham nahin hota 

Woh be'hissi hai musal'sal shakist-e-dil se "Munir" 

Koi bichar kay chala jaye gham nahin hota 

Deti nahin amaan jo zameen , Aasmaan to hai

Deti nahin amaan jo zameen , Aasmaan to hai 

Kehnay ko apnay dil se koi daastaan to hai 

Youn to hai rang zard magar hont laal hain 

Sehraa ki wus'aton main kahin gulistaan to hai 

Ik cheel mumti pe baithi hai dhoop main 

Galiyan ujjar gayi hain magar paasbaan to hai 

Awaz de kay daikh lo shayed woh mil hi jaye 

Warna yeh umar bhar ka safar rai'gaan to hai 

Mujh se bhout qareeb hai To phir bhi Ae "Munir"

Parda sa koi meray teray darmiyaan to hai 

Kis anokhay dasht main ho Ae ghazal ilaan-e-khatan

Kis anokhay dasht main ho Ae ghazal ilaan-e-khatan 

Yaad aata hai tumhein bhi ab kabhi apna watan 

Khoon rulaati hai mujhay ik ajnabi chehray ki yaad 

Raat din rehta hai aankhon main woh hi laal-e-yaman 

Itar main doobi hui hai ku-e-jaana ki hawa 

Aah us ka peh'rahan aur us ka sandal sa badan 

Raat ab dhalnay lagi hai bastiyan khamosh hain 

To mujhay sonay nahin deti meray jee ki jalan 

Yeh bhabu laal mukh hai us pari wash ka "Munir"

Ya shu'aa-e-maah se roshan gulabon ka chaman !

Ik kali gulaab ki

Harf Sada-o-Rangeen 

Ik kali gulaab ki 

Koocha-e-chaman main bhi hai 

Yaad ik khawaab ki 

Shaam kay gagan main hai 

Ism sabz baab ka 

Par faraib ban main hai 

Naqsh ik shabaab ka 

Saya kohan main hai 

Ik pukaarti sada 

Jabar kay gohan main hai 

Door door tak hawa 

Koh aur daman main hai 

Phir harri bailon kay neechay baithna shaam-o-sehar

Be'sood safar kay baad Aaraam ka pal 

Phir harri bailon kay neechay baithna shaam-o-sehar 

Phir wohi khawab-e-tamana phir wohi dewar-o-dar 

Bul'bulein , ashjaar , ghar , shams-o-qamar

Khouf main lazzat kay maskan, jisam pe un ka asar 

Mousamon kay aanay jaanay kay wohi pur'nishan 

Saat rangon kay neelay falak tak pur'fishaan

Subha dam soonay mohallay pheeki pheeki seh'pehar

Phool girtay daikhna shaakhon se farsh shaam par 

Khawab us kay daikhna mojood tha jo baam par 

Khawab us bailon kay neechay baithna shaam-o-sehar

Aik Dozakhi shaher par baadlon kay liye dua

Aik Dozakhi shaher par baadlon kay liye dua 

Garam rang phoolon ka 

Garam thi mehak un ki 

Garam khoon aankhon main 

Tez thi chamak un ki 

Sochta main kya un ko 

Us haseen ki baaton ko

Daikhta main kya us kay 

Khaak rang haathon ko 

Khouf tha tamazat main 

Aaish-e-shab ki shiddat ka 

Dar khulla tha dozakh ka 

Lams lab ki hiddat ka 

Main jawab kya deta 

Us ki un adaon ka 

Aik shaher-e-murda main 

Door ki nidaon ka 

Sehar zard baatin main 

5 band ismon ka 

Ban gaya tha jismon main 

Zehar 5 qismon ka 

Rukhsat-e-sarma ki subha sard , num , sangeen

Rukhsat-e-sarma ki subha sard , num , sangeen 

Khawab-e-khamoshi ki teh main ik jhalak rangeen si 

Baans ka jungle , hawa , pani , purani jheel ka 

Sabz dar par rang jaisay aasman kay neel ka 

Girtay jatay shaher dono simat ik ambaar main 

Kheenchti jaati khaak maidaan aik hi raftaar main 

Hiltay jatay naqsh se kuch phailti dewaar par 

Bujh kay girtay harf se had-e-safar Aasaar par 

Her taraf khushbu hawa main ban main aqrab aab ki 

Aik pur-israar khawaish dil main marg-e-Aab ki 

Aadhi Raat Main Aik Neem Waa Dareecha

Aadhi Raat Main Aik Neem Waa Dareecha 

Aadha chehra roshni main hai , aadha kaalay parday main 

Aik aankh hai suraj jaisi aik hai kaalay parday main 

Bhaid na ab tak baahir aaya Aadhay giray naqabon se

Aankh hamesha ghirri rahi zaahir aur chuppay sarabon main