Imran's Poetry

Jun 21, 2014

Bikhar rahay hain meri zindagi kay tamaam warq

Na janay kab koi aandhi ura ky le jaye

Main kab tak doosron ky dukh sambhaal ky rakhoon faraz

Jis jis ky hain woh nishani bata ky le jaye

Nigha-e-yaar pe palkon ki gar lagaam na ho

Badan main door talak zindagi ka naam na ho

Woh be'naqaab jo phirta hai gali koochon main

To kaisay shahaer ky logon main qatl-e-aam na ho

Mujhay yaqeen hai keh duniya main dard barh jayein

Agar yeh peenay pilanay ka ehtamaam na ho

Bitha ky samnay bas dekhta rahoon tujh ko

Teray siwa muh ko duniya ka koi kaam na ho

Jo is ko dekh le mehtaab ik nazar danish

Meray shaher ki fizaon main kabhi shaam na ho

Zulf raaton si hai rangat hai ujalon jaisi

Par tabiyat hai wohi bhoolnay walon jaisi

Us ki aankhon ko kabhi ghour se dekha hai faraz

Rony walo ki tarah jagny walon jaisi

Itni shiddat aanson main pehlay kabhi na thi

Dekha apnay naseeb ko to sar-e-aam ro diyea

Aankhon main woh taron si chamak

Honton pe muskaan rahay

Bhara daman rahay khushiyon se

Khila chaand sa yeh mukhra rahay

Tamam umeedain hon poori aap ki

Na koi dil main armaan rahay

Banain phool raah guzar aap ki

manzal aap ki shaad rahay

Tareef aap ki is andaaz se ho biyaan

Keh tashbeeha na koi baaqi rahay

Harf-e-aakhir main yeh dua hai khuda se

Keh us ki rehmat sada aap ky paas rahay

(Ameen)

Mohabbat karnay wale aaj

Izhaar-e-mohabbat kar rahay hain par

Tumharay hath main jo phool hai is ko

Mohabbat ky saheefay main kahin rakh do

Keh izhaar-e-mohabbat kay liye lamhay muqarar to nahin hoty

Mohabbat to dino ki aid se azaad hoti hai

Mohabbat main riyat phool denay ki

Bhout hi khoobsurat hai

Magar tum aaj mujh ko phool mat dena

Tqazay meri chahat ky siwa hain kuch

Keh meray piyaar ki rasmain zamanay se juda hain kuch

Meray hathon main kabhi halaat ki zanjeer na ho

Meray khwabon ki bhiyanak kahin tabeer na ho

Hai qurbaton ka yeh mousam magar aaitabaar nahin

Tujh se mil kar hi bicharna meri taqdeer na ho

Mangi hain duaein keh woh sada saath rahay

YEh aur baat hai meri dua main taseer na ho

Udaas larki jo ban paray to

Udaas larki

Jo ban paray to

Yeh khud se kehna kabhi to jana

Keh tum ko ati hai yaad ab bhi

Woh ik sundar ' udaas larki

Woh khoyi khoyi si aankhon wali

Woh uljhi uljhi si sochon wali

Woh jhooti muskaan ko labon pe sjanay wali

Woh apnay baray main dheeray dheeray se

tum ko sab kuch batanay wali

Woh baat be'baat ' rooth kar maan janay wali

Kabhi kabhi to hisaab-o-had se bhi yaad barh kar hai anay wali

Stanay wali , mananay wali

Woh ik sundar 'udaas larki

Tum masroof kitnay ho

Brabar yaad karny par bhi tum hichki nahin letay

Pehar kitnay guzar jayein

Khabar meri nahin letay

Sawaal sun to letay ho

Jawaban kuch nahin kehtay

Nahin kehtay keh meri yaad bhi tum ko staati hai

Udasi phail jati hai

Nahin kehtay

Yeh jo majbooriyan hain in main khud ko dhaal baithay ho

Yahan be'jaan main aur tum wahan anjaan baithay ho

Suno !

Mujhay samjha sako gy tum

Keh tum masroof kitnay ho

Tujhay tujh se churana chahata hoon

Junoon ko azmana chahata hoon

Hamaray darmiyaan jo mojzan tha

Wohi rishta purana chahata hoon

Makaan badlay hain kitnay is nagar main

MAin ab ky ghar basana chahta hoon

Samay ki andhiyon se bujh na paye

Dia aisa jalana chahta hoon

Yeh duniya to bhout choti hai jana

Teray dil main sma'na chahata hoon

Tumhara sath ho aur geet likhon

Main jeevan shairaana chahata hoon