Gali kay us konay pe kharri woh akeli si shaam

Gali kay us konay pe kharri woh akeli si shaam

Kitni tanha hai woh

Sisakti hui si shaam

Kitnay aanchal huye be'zameen-o-asmaan

Janay kaisay layi hai yeh paiyaam

Her ghar main ajab hai maatam bicha

Aankhon ka ho jaisay koi toofan utha

Yeh kaandhon pe kis kay hain jisam dharay

Ajab jin kay chehron pe hain

Fasaanay likhye

Poochtay hain yeh nanhay haath hum se

Jin talwaaron se katay hain yeh galay

Rehti hain jin main yeh talwaarain sabhi

Batao kahan rakhi hai aisi niyaam

Dam ghutnay laga hai

Is shaam-e-khoon ashaam se

Chalo ab manayein is

Jalti

Machalti

Bilakti

rooti

Hui shaam ko

Aanso'on se bujhain

Aatish-e-aalam ko 

Dard-e-hijar kiya mila keh

Dard-e-hijar kiya mila keh

Haathon main jaam mila

Hum ko her din bas

Aik naya gham mila

Kehtay hain woh harjai hamain

Nahin dekha kabhi

Unhon ne

KAisay tairagi main jiyaa hamara jala

Jo hoti un ko khabar

Hanstay aur keh jaatay

Ae nadaan ishq main

Tujhay kiya mila

Chalo choro in shikwon ko

Aatish-e-man se

Kisi ka ghar to aakhir roshna hua

Hamara kiya hai

Hamain to her baar

Khaali hi her jaam mila

Koi to ishara ho

Koi to ishara ho

Yaadon se teri jana

Kaisay bhi kinaara ho

Thaknay lagay hain paaon meray

Naseeb main ab nahin

Koi bhi chayon meray

Kab talak is dasht-e-yaad main

Chalta rahoon main

Youn hi shaam-o-sehar jalta rahoon main

Nashtar guzray lamhon kay

Sehta rahoon main

Nikal sakon main is koocha-e-aatish se

Aisa meray Moula

Koi ghaib se ishaara ho

Zindaan-e-mohabbat se

Rehai ka koi ista'ara ho

Zindaan-e-mohabbat se

Rehai ka koi ishaara ho 

Likhtay rahay jis ko wafa

Likhtay rahay jis ko wafa

Milti rahi us se jafa

Sehtay rahay dard-e-hijar

Nikla nahin harf-e-dua

Sajti magar shaam-e-ghazal

Shaan-e-ghazal mil na saka

Kehnay lagi mujh se sehar

Yeh lab teray na hon khusha

Suntay rahay qissay wohi

Jis main likha zikar-e-sar

Zameen-e-dil pe aksar

Zameen-e-dil pe aksar

Asmaan-e-chahat se

Yaadon ki barsaat rehti hai

Qatra qatra girta hai

Zakhm zakhm banta hai

Ashkon ki rawaani hai

Bhout ajab veeraani hai

Ho sakay to loat aana

Wadi-e-mohabbat main

Wasal ki koi shamma

Haathon se tum apnay

Phir se jala dena

Andhera jo chaya hai

Door ussay tum kar jana

Yeh jo hum ne tumhain rulaya hai

Yeh jo hum ne tumhain rulaya hai

Mat samjho keh zulam dhaya hai

Behtay hain jo ashk teray nainon se

Girtay hain meri zameen-e-dil par yeh

Kiya karoon main majboor hoon

Halaat kiyea gaye bhout kamzor hoon

Bina teray meri saans nahin

Par milan ki bhi koi aas nahin

IS liye hum ne khud ko giraya hai

Shabeeh hamari jo teray dil pe ban baithi hai

Us shabeeh ko hum ne youn mitaya hai

Ab jaan to hamari hikmat

Kiyon tum ko hum ne rulaya hai

Sataya na karo hamain youn is tarah

Sataya na karo hamain youn is tarah

Keh hum bhi insaan hain tumhari tarah

Aaj hum hain , kal na ho kissay maloom

Ho sakta hai keh , phir tum pachtaao , kissay maloom

Zakhm-e-dil ko aur na zakhmi karo

Keh yeh to hai sheeshay se bhi nazuk

Ek baar toot gaya to jurrna hai mushkal

Ho sakta hai keh , kal tum koshish karo , kissay maloom

Roz ghar ko sanwaarti hoon

 Roz ghar ko sanwaarti hoon

Guldaan main

Phoolon ko sajaati hoon

Naye parday dareechon par lagaati hoon

Aur saleeqay se shelf main rakhti hoon kitaabain

Raat bhar darwaaza

Khula rakhti hoon

Khud ko bhi araasta karti hoon

Aankhon main kajal lagaati hoon

Chooriyon ses baanhon ko

Hathali ko mehandi se

Sajaati hoon

Aur nikharti hoon , bikharti hoon

Tu ne aanay ka sirf aik baar

Wada kiya tha

Sabz madham roshni main surkh aanchal ki dhanak

Sabz madham roshni main surkh aanchal ki dhanak
Sard kamray main machalti garm saanson ki mehak

Baazo'on kay sakht halkay main koi nazuk badan
Silwatein malboos par aanchal bhi kuch dhalka hua

Garmi-e-rukhsaar se dhunki hui thandi hawa
Narm zulfon se mulaaim ungliyon ki chair chaar

Surk honton pe shraarat ky kisi lamhay ka aks
Reshmi baanhon main choori ki kabhi madham khanak

Sharmageen lehjon main dheeray se kabhi chahat ki baat
Do dilon ki dharkano main goonjti thi ek sada

Kaamptay honton pe thi Allah se sirf ik dua
Kaash yeh lamhay tehar jayein tehar jayein zara

Waaday bhi karta hai

Waaday bhi karta hai

Woh bhout mohabbat bhi karta hai

Ek shakhs hai aisa

Jo shikayat bhi karta hai

Mujhay maloom nahin hota

Woh jaan jaata hai

Her raaz meray dil ka

Ek shakhs hai aisa

Jo phir chahat bhi karta hai