Kehnay ko saath apnay aik duniya chalti hai

Kehnay ko saath apnay aik duniya chalti hai 

Par chup kay is dil main tanhai palti hai 

Bas yaad saath hai 

Teri yaad saath hai , , , , , !

Pehlay dil ki ujrri zameen par khawaab mohabbat kay sajaye

Pehlay dil ki ujrri zameen par 

Khawaab mohabbat kay sajaye

Phir , ,  , ,  ,!

Meri aankhon main kuch deep jalaye

Kabhi cyhaand , kabhi gulaab kaha 

To , ,  , , ,!

KAbhi sapno ki raani kaha 

Phir , , , ,  ,!

Woh meri zindagi ban gaya 

Aur , ,  , ,!

Jab us ki mohabbat meri rooh ko deemak ki tarah lag gayi

To , , , , , ,  , ,!

Us ne mujhay chor diya

Tum ko maloom hai keh shaam-o-sehar

Tum ko maloom hai keh shaam-o-sehar 

Bas tumhein sochta raha hai koi

Raat akaash par ghatta thi bhout Chaand aankhon main aa gaya logo

Raat akaash par ghatta thi bhout 

Chaand aankhon main aa gaya logo

Us ne dukh sukh hazaar keh daalay 

Mujh se kuch na kaha gaya logo

Keh raha tha keh dard ne mujh ko 

Sakhat pathar bana diya kab ka 

Jheel aankhon ne Orh kar kaai 

Mujh ko ghar bana diya kab ka 

Keh raha tha keh ab mera sagar 

Meri jaanib kashish nahin karta 

Dukh ki hairat main doobi kirno ko 

Apni baanhon main ab nahin bharna 

Keh raha tha keh ab meri kirnein 

Be'ghar ka azaab sehti hain 

Orhay kaali ghatta sisakti hai 

Wasal rut ko sairaab kehti hai 

Keh raha tha keh aasmaan dil ka 

Shab ka aalma hai gham ki sill jaisa

Subha ka chehra zard hota hai 

Main ne chup chaap

Saray dukh sun kar 

Apnay sar ko jhuka diya logo

Aankh se behtay sill dard kay saath 

Chand ko bhi baha diya logo

Apna sapna mitta diya logo

Chand main ne baha diya logo

Yeh kab kaha tha nazaron se khouf aata hai

Yeh kab kaha tha nazaron se khouf aata hai 

Mujhay to chand sitaron se khouf aata hai 

Main dushmano kay kisi waar se nahin darta

Mujhay to panay hi yaaron se khouf aata hai 

Khizan ka jabar to seenay pe rok letay hain 

Hamein udaas bahaaron se khouf aata hai 

Milay hain dosto be'saakhiyon se gham itnay

Meray badan ko sahaaron se khouf aata hai 

MAin iltafaat ki khandaq se door rehta hoon 

Ta'luqaat kay ghaaron se khouf aata hai

Kaha us ne mujhay tab waqa'ei tum se mohabbat thi

Tab Aur Ab 

Kaha us ne 

Mujhay tab waqa'ei tum se mohabbat thi 

Kaha us ne 

Mujhay to aaj bhi tum se mohabbat hai 

Woh tab ki baat karti hai 

Main ab ki baat karta hoon 

Magar jo faasla 

Tab aur ab kay darmiyaan haayel hai 

Woh hum se to mil kar bhi smaita jaa nahin sakta 

Woh ab tak aa nahin sakti 

Main tab ko paa nahin sakta

Juda huye hain to kya hua hai , yahi to dastoor-e-zindagi hai

Juda huye hain to kya hua hai , yahi to dastoor-e-zindagi hai 

Koi bhi rutt ho , na chahaton ko zawal ho ga , yeh teh hua tha 

Aayo keh Faizaan kashtiyon ko jala dain gum'naam saahilon par 

Keh ab yahan se na wapisi ka sawal ho ga , yeh teh hua tha

Aadat hi bana li hai is shaher kay logon ne

Aadat hi bana li hai is shaher kay logon ne 

Andaaz badal lena 

Awaaz badal lena 

Aghiyaar wohi rakhna

Ehbaab badal lena 

Duniya ki mohabbat main 

Atwaar badal lena 

Mousam jo naya aaye

Raftaar badal lena 

Aadat hi bana li hai is shaher kay logon ne 

Raastay main agar milna 

Nazron ko jhuka lena 

Awaz agar do to 

Katraa kay nikal jaana

Her ik se juda rehna

Her ik se khafa rehna

Her ik ka gila karna

Jaatay huye raahi ko 

Manzil ka pata de kar

Raastay main rula dena

Aadat hi bana li hai is shaher kay logon ne 

December main apni aankhon ki nami se

December main apni aankhon ki nami se

mujhay yeh matti nam karni hai

Ta keh ugg sakay 

Is banjar zameen par

Woh fasal-e-gul jis ka izhaar 

Iqbal kay lafzon main hai

Ussay kaho keh ab main saans lena chahta hoon

Ussay kaho keh ab main saans lena chahta hoon 

Meray wajood se yaadon ki rasiyaan khol de