Tumharay khawab meray saath saath chaltay hain

Tumharay khawab meray saath saath chaltay hain 

Kai saraab meray saath saath chaltay hain 

Tumhara gham ' gham-e-duniya ' aloom-e-aagahi 

Sabhi azaab meray saath saath chaltay hain 

Isi liye to main ariyano main se hoon mehfooz 

Bhout hijaab meray saath saath chaltay hain 

Na'janay kon hain yeh log jo keh sadiyon se 

Pas-e-niqaab meray saath saath chaltay hain 

Main be'khayal kabhi dhoop main nikal aayon 

To kuch sahaab meray saath saath chaltay hain

Hum'safar Aa rah kay kantay chunain

Gham kay biyabaan main aa

Hum'safar 

Aa rah kay kantay chunain 

Gar isi main kuch safar teh ho gaya to 

Ik ghaneemat jaan lain gay 

Maan lain gay kuch safar teh ho gaya hai 

Warna in raahon main to ik khaar ki talwaar bhi 

Kuch kam nahin hai 

Aik manzil paraao un'ginat 

Aik paraao , aur hazaron manzilein 

Rang ' khushbu ' chaaon ' yakh'basta shajar ka 

Aur sakoon ka kiyon koi dhoka sahein , sapnay bunein 

La'shaoor be'qarari

Jism kay ghaao se bad'tar hai 

Kabhi to aa 

Khuli dewangi se 

Doosron kay saath apni bhi sabhi cheekhein suni 

Hum'safar 

Aa rah kay kantay chunain

 

Tu kiyon meray dil kay saharay ronay baith gaya hai

Chaand utra hai aankh kinaray 

Tu kiyon meray dil kay saharay 

Ronay baith gaya hai 

Chaand utra hai aankh kinaray 

Ronay baith gaya hai 

Aik ik kar kay giray sitaray 

Daman bheeg gaya hai 

Andar andar aansoo tapkay 

Aur mann bheeg agya hai 

Dil janay kis dard kay maaray 

Ronay baith gaya hai 

Raat dhali to aakhir ik ik 

Tara doob gaya hai 

Beech samandar aik ajeeb 

Kinara doob gaya hai 

Aik prinda gham kay dharay 

Ronay baith gaya hai

Mujhay aanso'on main kisi kay sukh ki talash hai

Mujhay aanso'on main kisi kay sukh ki talash hai 

Jo meray gham kay samandron ka gharoor ho

Hai ajeeb surat-e-haal weham-o-gumaan-e-dil 

Kabhi dharkano kay sakoot main kabhi shor main 

Rahay airon ghairon kay haath main teray jism-o-jaan 

Yeh jo chahye janay ka shouq hai yeh ajeeb hai

Gham-e-dil ne aankhon main jaal rakhay hain kis liye 

Yahan aanso'on ka koi prinda nahin raha 

Yeh jo reza reza batti hui hain tabiyatein 

Kisi roz rait main jhonk dain gi hajoom ko

Jo us kay chehray pe rang-e-haya thehar jaye

Jo us kay chehray pe rang-e-haya thehar jaye

To saans , waqat , samandar , hawa thehar jaye

Woh muskura'iye to hans hans parein kai mousam 

Woh gun'gunaye to baad-e-saba thehar jaye

Subak kharaam saba chaal chal paray jab bhi 

Hazar phool sar-e-raah aa thehar jaye

Woh hont honton pe rakh de agar dam aakhir 

Mujhay guman hai keh aayi qaza thehar jaye

Main us ki aankhon main jhankon to jaisay jam jaon 

Woh aankh jhapkay to chahon zara thehar jaye

 

Zaaiya kartay thay mulaqaton ko

Zaaiya kartay thay mulaqaton ko 

Hum samajhtay hi na thay baaton ko 

Un ko aadat hai meri aankhon ki 

Kon samjhaye ga barsaton ko 

Kitnay masoom hain woh log keh jo 

Kuch samjhtay hi nahin raaton ko 

Woh mujhay daam main lenay kay liye 

Kaam main laya madaraton ko 

Hum kahan maantay hain zaaton ko 

Paas rakho sabhi sadaton ko 

Aasteno pe tawaja de kar 

Taar leta hoon kai ghaaton ko

Mujhay khud se mohabbat hai mohabbat bhi kuch aisi

Mohabbat bhi kuch aisi

Mujhay khud se mohabbat hai 

Mohabbat bhi kuch aisi 

Jo kisi sehraa ko baarish se 

Keh baarish jis qadar bhi toot kar barsay 

Zara pal bhar ko payasi rait kay lab bheegay jatay hain 

Magar bas ik zara pal bhar 

Mujhay khud se mohabbat hai 

Mohabbat bhi kuch aisi 

Jo prindon ko fizaon se gulon ko khushbu'on se 

Manzaron ko leh'lehatay mousamon se

Jis main choonay , jazab rakhnay aur galay mil kay hamesha muskuranay kay 

liye chahaton aur khwaishon ji sab hadon ko paar kar jaye 

Mujhay khud se mohabbat hai magar 

Itni jitni meray so'daai ko mujh se 

Woh apnay raat aur din , dhoop , chaaon , sahilon , dariya kinaron ko 

Faqat ik meray nuqtay main samaitay 

Aur meri chahaton main 

Aankh se dil ' rooh se juda un ki her kaifiyat main doobta , roota , ubharta 

Muskurata , zaat aur marooz kay saray hawalon se kabhi ka kat chuka hai 

Aur mujhay us se mohabbat hai 

Mohabbat bhi kuch aisi .......jo kisi sehraa ko baarish se

Dilon pe jabar ki tamaam hikmatein ulat gayein

Dilon pe jabar ki tamaam hikmatein ulat gayein 

Judaiyon main aur bhi rafaqatein simat gayein 

Teray diyaar-e-yaad se guzar raha tha qaafla

Kahin to din palat gaye kahin shabein palat gayein 

Main jis kay mohaaz pe safein badal badal gaya 

Meray muqablay main teri aarzu'ein dat gayein 

Judaiyon se daman-e-khayal to chura liya 

Magar kai udasiyan naseeb se chimat gayein 

Ajeeb waqiya hai aik din sakoot-e-shaher se 

Qalam bachaa rahay thay hum keh ungliyan bhi kat gayein

Un'ginat be'hisaab aan basay aankh ujri to khawab aan basay

Un'ginat be'hisaab aan basay 

Aankh ujri to khawab aan basay 

Dil ajab shaher hai mohabbat ka 

Her gali main saraab aan basay 

Us se acha tha tum hi reh jatay 

Tum gaye aur azaab aan basay 

Teray aanay ki rut se pehlay hi 

Kiariyon main gulab aan basay 

Aankh main aa kay bas gaye aansoo 

Aanso'on main sahaab aan basay

Kon kahan se lay aaye apnay jaisa dil logo

Kon kahan se lay aaye 

Apnay jaisa dil logo 

Ranj-o-gham ka aadi hai 

Khushiyon se kab behlay ga 

Us ki aankhon se pehlay 

Aik samandar aata hai 

Meray dil se pehlay bhi 

Kitnay sehraa aatay hain 

Aik samandar woh hai jo 

Aasman par rehta hai 

Ik sehraa aisa bhi hai 

Jo pani main hota hai 

Main woh badal hoon shayed 

Jo sehraa se uth'at hai