Chupkay chupkay raat din ansoo bahana yaad hai
Hum ko ab tak woh aashqi ka zamana yaad hai
Tujh se kuch milat hi woh be-baak ho jana mera
Aur tera danton main woh ungli dabana yaad hai
Kheench lena woh mera parday ka kona dafatan
Aur dupatay se tera woh munh chupana yaad hai
Tujh ko jab tanha kabhi pana to az rah-e-lihaaz
Haal-e-dil baton hi baton main jatana yaad hai
Ghair ki nazron se bach kar sab ki marzi ke khilaf
Woh tera chori chupay raton ko ana yaad hai
Chori chori hum se tum a kar milay thay jis jaga
Mudat'ain guzr'ein par ab tak woh thikana yaad hai
Poet : Hasrat Mohani
No comments:
Post a Comment