Dekh tu dil keh jaan se uth'ta hai
Yeh duwaan sa kahan se uth'ta hai
Gor kis dil jalay ki hai yeh falak
Shola ik subha yaan se uth'ta hai
Larti hai is ki chash'me shokh jahan
Aik ashoob waan se uth'ta hai
Baith'ny kon de hai phir is ko
Jo teray ashiyaan se uth'ta hai
Youn uthay aah is gali se hum
Jaisay koi jahan se uth'ta hai
Ishq ik mir bhari pathar hai
Kab yeh tujh na-tawan se uth'ta hai
Poet : Mir taqi Mir
No comments:
Post a Comment