Rabt-e-ba'ham ki ibtida kaghaz
Woh tumhara likha hua kaghaz
Motiyon se sajay huye alfaaz
Kushbo'on se basa hua kaghaz
Is pe likha hua tha naam tera
Is liye bhi bhala laga kaghaz
Hijar ki shab main jagti ankhain
Aur askhon main bheegta kaghaz
MAin ne kaghaz pe dil ka bojh likha
Mujh ko dil ki tarah laga kaghaz
Pehlay tukron main bat gaye tehreer
Phir hawa'on ke sang ura kaghaz
Mout shehbaz taiz barish thi
Zindagi raah main para kaghaz
Poet : Shehbaz Khawja
No comments:
Post a Comment