Main nazar se pee raha hoon yeh sama badal na jaye
Na jukhayo tum nighaein kahin raat dhal na jaye
Meray ashak bhe hain is main yeh shraab ubal na jaye
Mera jaam chooney walay tera hath jal na jaye
Abhi raat kuch hai baqi na utha naqaab saqi
tera rind girtay girtay kahin phir sambhal na jaye
Meri zindgi ke malik meray dil pe hath rakh de
teray aney ki kushi main mera dam nikal na jaye
Mujhay phookney se pehlay mera dil nikaal lena
yeh kisi hai amanat meray sath jal na jaye
Poet : Anwar Mirza Poori
No comments:
Post a Comment