kabhi chupaya nahin jo gunnah mujh se hua
bata diya jo siyah-o-safaid mujh se hua
yeh bar-e hijar bhi teray supurd kar deta
bas ik yahi na meray kaj kalaa mujh se hua
meray khilaf gaye aakhri shahadat bhi
keh munhiraf bhi hua to gawah mujh se hua
bas ik tu tha jissay raigaan kiya main ne
aur aik ishq tha jo be'pnah mujh se hua
saleem jeet bhi meri thi haar bhi meri
ajab muqabala az-o-jaah mujh se hua
No comments:
Post a Comment