Main ne dekha tha un dino main ussay
Jab woh khiltay gulaab jaisa tha
Us ki palkon se neend chinti thi
Us ka lehja sharab jaisa tha
Us ki zulfon se bheegti thi ghatta
US ka rukh meh'taab jaisa tha
Log parhtay thay khaal-o-khad us kay
Woh adab ki kitaab jaisa tha
Bolta tha zuban khushbu ki
Log suntay thay dharkano main ussay
Main ne dekha tha un dino main ussay
Jab woh khiltay gulaab jaisa tha
No comments:
Post a Comment