Tujh se gilay karon tujhay jana mana'on main

Tujh se gilay karon tujhay jana mana'on main

Tujh se gilay karon tujhay jana mana'on main

ik baar apnay aap main ayon to ayon main

dil se sit'tam ki be'sarokari hawa ko hai

woh gard urr rahi hai keh khud ko gawa'on main 

woh naam ho keh jis par nadamat bhi ab nahin

woh kaam hain keh apni judaei kama'on main 

kyn kar ho  apnay khwaab ki aankhon main wapisi

kis tor apnay dil ke zamano main jaon main

ik rak'kang si kamaan ho kushboo sa ik teer

marham si wardaat ho aur zakham kha'on main

shikwa sa ik dareecha ho nasha sa ik sakoot

ho shaam ik shraab si aur lar'khraon main 

phir is gali se apna guzar chahta hai dil

ab is gali ko kon si basti se la'on main