Sham dhalay jab deep jalay
Ik bhuli kahani yaad aati hai
Hook uthti hai dil jalta hai
Pareet purani yaad aati hai
Jhil'mil taray nadia kinaray
Chan'chal lehrein , mehki hawaein
Chand ki kashti , gaat maanjhi
Rut woh sohani yaad aati hai
Kajal se likhi hui chit'ti
Mela kaghaz , ujlay aansoo
Jalti bujhti tehreeron ki
Bheegi nishani yaad aati hai
Aankhon ki jheelon main zameer ab
Khawab kay panchi doob gaye
Rait se kab tak seep chuno gay
Kiyon anjani yaad aati hai
No comments:
Post a Comment