goosha aankhon ke dareechon main jo nam sa ho ga
dil ki gehrai main rista hua gham sa ho ga
yaad ayein jo kabhi dhoondna veerano main
hum na mil payein gy shayed koi hum sa ho ga
roi gi subha hamain shaam bhi muztar ho gi
kuch bhatakti hui raaton ko bhi gham sa ho ga
waqat ki dhoop to jhulsaney pe amada rahay
jaan sambhalay huye rakhay woh jo hum sa ho ga
hum samjh letay hain daghon k sulagney pe khalish
dard jab had se guzar jaye to kam sa ho ga
No comments:
Post a Comment