Baja hai keh aankh main needon ky silsalay bhi nahin
Shakist-e-khwaab ky ab mujh main hoslay bhi nahin
Nahin nahin yeh khabar dusmano ne di ho gi
Woh aye aa ky chalay bhi gaye mile bhi nahin
Yeh kon log andheron ki baat kartay hain
Abhi to chaand teri yaad ky dhalay bhi nahin
Abhi se maray rafogar ky hath thaknay lagay
Abhi to chaak meray zakham ky silay bhi nahin
Khafa agarcha hamesha huwey magar ab
Woh barhami hai keh hum se unhain gilay bhi nahin
No comments:
Post a Comment