Dil garifta hi sahi bazam saja li jaye
Yaad-e-jana se koi shaam na khaali jaye
Rafta rafta yehi zindaan main badal jatay hain
Ab kisi shaher ki buniyaad na daali jaye
Muzhat-e-rukh hai kisi ka keh biyaz-e-hafiz
Aisi chehray se kabhi faal nikaali jaye
Woh murawat se mila hai to jhuka doon gardan
Meray dushman ka koi waar na khaali jaye
Be'nawa shaher ka saya hai meray dil pe Faraz
Kis tarah se meri ashafta khayali jaye
No comments:
Post a Comment