Honton pe kabhi un ky mera naam hi aye
Aye to sahi bar sar-e-ilzaam hi aye
Hairaan hain , lab basta hain , dil'geer hain gunchay
Kushboo ki zubaani tera paighaam hi aye
Lamhaat musarat hain tasawar se guraizaan
Yaad aye hain jab bhi gham-o-aalaam hi aye
Taron se saja lein gy raah-e-shaher-e-tamana
Madoor nahin subho chalo shaam hi aye
Kiya raah badalney ka gila hum safron se
Jis raah se chalay teray dar-o-baam hi aye
Thak haar ky baithay hain sar-e-koo-e-tamana
Kaam aye to phir jazba-e-nakaam hi aye
Baaqi na rahay saakh ada dasht-e-junoon ki
Dil main agar andesha-e-anjaam hi aye
No comments:
Post a Comment