Mohabbat tehar jati hai
Hum aksar yeh samjhtay hain
Jissay hum pyar kartay hain
Ussay hum bhool baithay hain
Magar aisa nahin hota
Mohabbat aik sach hai
Haan ! mohabbat tehar jati hai
Hamari baat kay andar
Hamari zaat kay andar
Magar yeh kam nahin hoti
Kisi bhi dukh ki surat main
Kabhi koi zaroorat main
Kabhi anjaan se gham main
Kabhi lehlay ki thandak main
Udasi ki zaroorat main
Kabhi baarishon ki surat main
Hamari aankh kay andar
KAbhi qatray ki surat main
Ba'zahir aisa lagta hai
Ussay hum bhool baithay hain
Magar aisa nahin hota
Hargiz kam nahin hoti
Mohabbat tehar jati hai
Mohabbat kam nahin hoti ..........!!
No comments:
Post a Comment