Mohabbat tehar jati hai
hum aksar yeh samjhtay hain
jissay hum pyaar kartay hain
ussy hum bhool baithay hain
magar aisa nahin hota
mohabbat aik sach ahi
Haan! mohabbat tehar jati hai
hamari baat ky andar
hamari zaat ky andar
magar yeh kam nahin hoti
kisi bhi dukh surat main
kabhi lehjay ki thandak main
udasi ki zaroorat main
kabhi barishon ki surat main
hamari aankh ky andar
kabhi qatray ki surat main
ba'zahir aisa lagta hai
ussay hum bhool baithay hain
magar aisa nahin hota
yeh hargiz kam nahin hoti
mohabbat tehar jati hai
mohabbat kam nahin hoti
No comments:
Post a Comment