.jpg)
Kabhi mujh ko saath lay kar , kabhi meray saath chal kay
Woh badal gaya achanak , meri zindagi badal kay
Huye jis pe meharbaan tum koi khush'naseeb ho ga
Meri hasratain to niklein , meray aanso'on main dhal kay
Teri zulf-o-rukh kay qurbaan dil-e-zaar dhoondta hai
Wohi cham'pai ujaalay , wohi surmai dhundlakay
Koi phool ban gaya hai , koi chaand , koi taara
Jo chragh bujh gaye hain , teri anjuman main jal kay
Meray dosto khudaara meray saath tum bhi dhoondo
Woh yahin kahin chuppay hain meray gahm ka rukh badal kay
Teri be'jih'jhak hansi se na kisi ka dil ho maila
YEh nagar hai aainon ka , yahan saans lay sambhal kay
No comments:
Post a Comment