Pathar bana dia mujhay ronay nahin diya
Daaman bhi teray gham ne beghonay nahin dia
Tanhaiyaan tumhara pata poochti rahein
Shab bhar tumhari yaad ne sonay nahin diya
Aankhon main aa kar baith gayi ansoon ki lehar
Palkon pe koi khwaab peronay nahin dia
Dil ko tumharay naam ky ansoo aziz thay
Duniya ka dard dil main semonay nahin dia
Nasir youn us ki yaad chali hath thaam ky
Mele main is jahan ky khonay nahin dia
No comments:
Post a Comment