Tujhay ishq ho khuda karay
koi tujh ko is se juda karay
teray hont hansana bhool jayein
teri aankh pur'nam raha karay
tu ussi ki batain kiya karay
tu ussi ki batain suna karay
ussay dekh kar tu rukk paray
woh nazar jhuka kar chala karay
teray khwaab bikhrain toot kar
tu kirchi kirchi chuna karay
tu nagar nagar phira karay
tu gali gali sad'da karay
tujhay hijar ki woh ghari lagay
issay tasbiyon pe parha karay
main kahon keh ishq to dhong hai
tu nahin nahin kiya karay
No comments:
Post a Comment