Aitraaf
Tum se pehlay bhi mohabbat to mujhay thi lakin
aisi mun zor na thi
jo meri rroh main tehleel hui jati hai
dorti hai jo meray jisam main lahoo ban kar
din badin cheen rahi hai jo mujhay khud main
din badin sonp rahi hai jo mujhy bas tum ko
dekhnay deti nahin aur kisi simt mujhay
sochney deti nahin aur koi baat mujhay
dharkanein aik hi tasbeeh kiya jati hain
dil ki halat yeh meri jaan kisi tor na thi
tum se pehlay bhi mohabbat to mujhay thi lakin
aisi mun zor na thi
No comments:
Post a Comment