Chalo yeh maan letay hain
Keh teray aur meray darmiyan rishta nahin koi
Na to meray liye dil main kasak mehsoos karti hai
Na meray dil main teray naam se toofan uthta hai
Na to baton ki meri yaad kar kay hansti rehti hai
Na main teri hansi kay wastay batein banata hoon
Na to meray liye nazmon kay guldastay sajati hai
Na main teray liye lafzon kay moti chunta rehta hoon
Na teray dil main koi khouf hai keh hum juda hon gay
Na main aglay jahan ki baat dil main laya karta hoon
Na meray haath main teray liye tehreer-e-ulfat hai
Na meray dil main meray wastay koi mohabbat hai
Bhala ab aur apnay darmiyan kaisa taaluq ho
Hamaray darmiyan to ajnabiyat hai na aashna sa hoon
Hamaray dil nahin manay magar hum maan letay hain
Keh teray aur meray darmiyan rishta nahin koi
Chalo hum maan letay hain
No comments:
Post a Comment