Aaj roothay huye sajan ko bhout yaad kiya
Apne ujraye huye gulshan ko bhout yaad kiya
Jab kabhi gardish-e-taqdeer ne ghaira hai hamain
Gaisoo-e-yaar ki uljhan ko bhout yaad kiya
Shamma ki joat pe jaltay huye parwaano ne
Ik tera shoola-e-daman ko bhout yaad kiya
Jis ke maathay pe nayi subha ka jhoomar ho ga
Hum ne us waqat ki dulhan ko bhout yaad kiya
Aaj tootay huye sapnao ki bhout yaad ayi
Aaj beetay huye sawan ko bhout yaad kiya
Mut'maein ho hi gaye daam-o-qafas main "Sagar"
Hum aseeron ne nashaiman ko bhout yaad kiya
No comments:
Post a Comment