Us ne bas itna kaha main ne socha kuch nahin
Main wahin pathraa gaya main ne socha kuch nahin
Us ne kiyaa hai kiya nahin mujh ko is se kiya gharz
Woh mujhay acha laga main ne socha kuch nahin
MAin bhi to insaan tha ik khaami reh gayi
Main ne jis ko dil diya main ne socha kuch nahin
Us ki baabat sochna ,sochna bhi raat din
Phir bhi mujh ko youn laga main ne socha kuch nahin
Us se main ne kiya kaha yeh to hai ik waqiya
Yeh bhi hai ik waqiya main ne socha kuch nahin
Yeh zameen-o-asmaan mera hissa ban gaye
Phir bhi mujh se yeh gila main ne socha kuch nahin
Nafratein thein "Saad" jee chahton kay darmiyaan
Chahton main kiya hua main ne socha kuch nahin
No comments:
Post a Comment