Achay essa ho mareezon ka khyal acha hai
Hum maray jaatay hain tum kehtay ho haal acha hai
Tujh se mangoon main tujhi ko sabhi kuch mil jaye
So sawalon se yahi aik sawaal acha hai
Jis ka anjaam museebat woh khushi bhi hai bari
Jis ka anjaam khushi ho woh malaal acha hai
Roz ata hai meray dil ko tasali denay
Tujh se ae dushman-e-jaan tera khyal acha hai
Kehtay hain aaj to nakhan se meray di tashbeeh
Kal kaho gay teray abroo se halaal acha hai
Rashak se bosa-e-abroo nahin woh "Ameer"
So kaha main ne ghazal main keh halaal acha hai
No comments:
Post a Comment