Dua lapait kay rakh dain kalaam chor dain hum
To kiya yeh khush talbi ka maqaam chor dain hum
Hamari khaak se sona banana mushkil tha
Jo ban raha hai to kiya is ko khaam chor dain hum
Kahan ki qaid , anaasar kabhi jo hukam karo
Tumharay naam pe saaray ghulaam chor dain hum
Isi liye to khamoshi ko torna para hai
Kisi ne hum se kaha intiqaam chor dain hum
Na ishq theek se hota hai aur na kaar-e-jahan
Jo tum kaho to koi aik kaam chor dain hum
No comments:
Post a Comment