Hasrat hai tujhay samnay baithay kabhi dekhon
Main tujh se mukhatab hoon tera haal poochon
Dil main hai mulaqaat ki khwaish ki dabi aag
Mehndi lagay haathon ko chupa kar kahan rakhon
Jis naam se tu ne mujhay bachpan main pukaara
Ik umar guzarnay pe bhi woh naam na bhoolon
Tu ashk hi ban kar meri aankhon main samaa jaa
Main aaina dekhon to tera aks bhi dekhon
Poochon kabhi gunchon se sitaaron se hawa se
Tujh se hi magar aa ke tera naam na poochon
Jo shakhs keh hai khwaab main aanay se bhi khaif
Aaina-e-dil main ussay moujood hi dekhon
Ae meri tamana ke sitaray tu kahan hai
Tu aye to yeh jisam shab-e-gham ko na sompun
No comments:
Post a Comment