Is dour ki duniya se guzar kiyon nahin jaate
YEh log bhi kiya log hain mar kiyon nahin jaate
HAi kon zamanay main mera poochnay wala
Na'daan hai jo kehtay hain keh ghar kiyon nahin jaate
Sholay hain to kiyon un ko bharaktay nahin dekha
HAin khaak to raahon main bikhar kiyon nahin jaate
Ansoo bhi hain aankhon main duaein bhi hain lab par
Bigraye huye halaat sanwar kiyon nahin jaate
No comments:
Post a Comment