Dil main ab youn teray bhoolay huye gham aatay hain
Jaisay bichray huye kaabay main sanam aatay hain
Aik ik kar kay huye jatay hain taaray roshan
Meri manzil ki taraf teray qadam atay hain
Raqs-e-meh tez karo , saaz ki lay tez karo
Soo-e-meh'khana sifraan-e-haram atay hain
Kuch hami ko nahin ehsaan utahnay ka dimaagh
Woh to jab aatay hain mayal ba'karam atay hain
Aur kuch dair na guzray shab-e-furqat se kaho
Dil bhi kam dukhta hai , woh yaad bhi kam aatay hain
Poet : Faiz Ahmed Faiz
No comments:
Post a Comment