Naseeb azmaanay kay din aa rahay hain
Qareeb un kay aanay kay din aa rahay hain
Jo dil se kaha hai , jo dil se suna hai
Sab un ko sunanay kay din aa rahay hain
Abhi se dil-o-jaan sar-e-raah rakh do
Keh lutay lutanay kay din aa rahay hain
Tapkanay lagi in aankhon se masti
Nigahein churanay kay din aa rahay hain
Saba phir hamain poochti phir rahi hai
Chaman ko sajanay kay din aa rahay hain
Chalo "Faiz" phir se kahin dil lagaein
Suna hai thikanay kay din aa rahay hain
Poet : Faiz Ahmed Faiz
No comments:
Post a Comment