Mohabbat karney waale kam na hon gay
Teri mehfil main lakin hum na hon gay
Zamanay bhar ke gham , ya ik tera gham
YEh gham ho ga to kitnay gham na hon gay
Agar to itafaaqan mil bhi jaye
Teri furqat ke sadmay kam na hon gay
Dilon ki uljhanain barhti rahain gi
Agar kuch mashware baaham na hon gay
Main aksar sochta hoon phool kab tak
Shreek-e-giriya-e-shabnam na hon gay
"Hafeez" un se main jitna bad'gumaan hoon
Woh mujh se is qadar barham na hon gay
Very Nice selection of poetry. meticulously made blog. Dear, is there any way that I an get notifications of you blog in my Fae book page. Regards
ReplyDelete